Nabad sugidda Jubaland oo soo bandhigtay horjooge ka soo goostay Alshabaab

Nabad sugidda Jubaland oo soo bandhigtay horjooge ka soo goostay Alshabaab

SHARE

Qoraal lagu dabacay baraha Bulshada ee Nabad Sugida Jubaland, ayaa lagu sheegay in ninka isa soo dhiibay oo lagu magacaabo Rayaan Shiikh Nuuur, Shabaab dhexdiisana looga yaqaano (Abuu Xamsa) uu madax uga ahaa Kooxdan dhanka gaadiidka Gobolka Jubbada Hoose.

Hay’ada Nabad Sugida Jubaland ayaa soo bandhigtay Sarkaal sare oo ka tirsan Kooxda Al-Shabaab, kaasoo ay sheegtay inuu isu soo dhiibay.

“Kani waa Rayaan Shiikh Nuuur magaca Shabaabka looga dhex yaqaano (Abuu Xamsa) waa madaxii u qaabilsanaa dhanka gaadiidka Gobolka Jubbada Hoose kooxda argagixisadda waxaa uu isku soo dhiibay ciidanka amniga Jubbaland” ayaa lagu yiri warka Sirdoonka Jubaland.

Laamaha ammaanka ee Jubaland ayaan bixin faah faahin ku aadan qaabka ay ku timid isa soo dhiibitaanka Sarkaalkan iyo deegaanka uu sida rasmi ahaan isaga dhiibay, iyadoo la soo bandhigay Sawirka muujinaya muuqaalkiisa.

 

LEAVE A REPLY