Xukuumadda Soomaaliya Oo Digeysa Dadka Qalqalgalinta Amni Ka Wada Baraha Bulshada

Xukuumadda Soomaaliya Oo Digeysa Dadka Qalqalgalinta Amni Ka Wada Baraha Bulshada

SHARE

Muqdisho,(Samawade.so):-Gollaha wasiirada Soomaaliya ayaa ka digan wararka Amniga dalk qalqalgalinaya oo lagu baahiyo baraha bulshada, kaddib kulan maalintii shalay ku yeesheen magaalada Muqdisho.

Wasiir ku-xigeenka wasaarada warfaafinta xukuumadda Soomaaliya C/raxmaan Iidaan Yoonis oo warbaahinta kula hadlay magaalada Muqdisho ayaa sheegay in ay jiraan shaqsiyaad ka shaqeynaya falal la doonayo in lagu barakiciyo bulshada ku dhaqan magaalada Muqdisho, islamarkaana dowladda ka hortagi doonto arrimaha noocaa oo kale ah.

“Maalmihii ugu danbeeyay waxaa jiray warar bulshada Soomaaliyeed lagu jahwareerinayo oo ah magaalada waxaa soo galay gadiid xamuul ah oo qaraxyo sida, waxaasi waa been abuur ma jirto cid aan aheyn laamaha Amniga oo arintaa ogaan karta, bulshada waxaan u sheegeynaa in aysan u dhag raaricin wararka noocaas oo kale ah ayuu yiri” wasiir ku-xigeenka.

Kaddib qaraxii 14kii bishii October ee sanadkan ka dhacay Isgoyska Zoobe waxaa bulshada ku dhaqan caasimada siweyn ugu soo badanayay baqdinta ay ka qabaan gadiidka xamuulka ah ee isticmaala jidadka halbowlaha u ah magaalada Muqdisho, sidoo kalana waxaa baraha ay bulshada ku wada xiriiraan ku soo kordhay fariimo iyo qoraalo dadka looga digayo qaraxyo kale oo dhici kara.

Hasse ahaatee laamaha Amniga dowladda ayaa u arka fariimaha noocaa ah kuwo looga faa’ideysanayo siyaabo kale, lana doonayo in guud ahaanba qalqal lagu galiyo sugida nabad-galyada iyo howlaha hay’addaha Amnigu ka hayaan caasimada.

LEAVE A REPLY