Safaaradda Mareykanku ku leeyahay soomaaliya oo sheegtey in musuqii ugu ba'naa ee...

Safaaradda Mareykanku ku leeyahay soomaaliya oo sheegtey in musuqii ugu ba'naa ee dhanka doorashada uu ka dhacay Galmudug.

SHARE

Safaaradda Maraykanka ee Somalia ayaa Qoraal u gudbisay Madaxweynaha Maamul-gobaleedka Galmudug, C/kariim Xuseen oo ay walaac xooggan kaga muujisay Wararka ka soo baxayo Doorashaddii ka dhacday Galmudug, taasi oo lagu muujiyey inay jiraan musuq, cabsi-gelin,laaluush, iyo iyadoo Haweenka Musharixiinta loo diiday inay ku tartamaan Kuraasta iyo iyadoo la diiday Liiska Ergooyinka ee ka yimid Odayaasha Dhaqanka iyo xarig loo geystay Musharixiinta.

Nuqul ka mid ah Qoraalka Safaaradda Maraykanka ku leedahay Somalia u dirtay Madaxweynaha Galmudug oo la soo gaarsiiyey Radio Dalsan ayaa lagu xusay in dhamaan Xeeladahaasi waxyeello ku yihiin Hufnaanta iyo Sharci ahaanta Hannaanka Doorashadaasi.

“Iyadoo aan og nahay in Eedeymaha Siyaasadda tahay mid guud, haddana waxaan rumeysanahay inay inta badan Eedeymahaasi yihiin kuwo khatar yeelanayo” ayaa lagu yiri Qoraalka ay Safaaradda Maraykanka u dirtay Madaxweynaha Galmudug.

madaxweyne-guuleedQoraalka waxaa kaloo lagu xusay in Madaxweynaha Guuleed iyo Wakiilka Guddiga Doorashadda ee Heerka Federalka  (SIEIT)  mas’uuliyad ka saaran tahay  Shaqadooda oo ka madax-bannaan Siyaasad, iyadoo asaas looga dhigayo Sharciga Nidaamka Doorashadda.

“Ka Hoggaamiye ahaan  iyo dhamaan Saraakiisha ku lugta leh Doorashadda waxaa saamayn idinku yeelan karta haddii lagu kalsoonaan waayo Geeddi-socodka Doorashadda” ayaa lagu qoraalka ay Safaaradda Maraykanka u direen Madaxweynaha Galmudug.

 

LEAVE A REPLY