Maxkamadda Ciidanka Qalabka sida oo Xakun dil ah ku riday Askari ka...

Maxkamadda Ciidanka Qalabka sida oo Xakun dil ah ku riday Askari ka tirsanaa Ciidanka Daraawiishta

SHARE

Maxkamadda Ciidanka Qalabka sida qeybteeda 60-aad ayaa saakay xukun dil ah ku riday Askari ka tirsanaa Ciidanka Daraawiishta ee dowlad-goboleedka Koonfur Galbeed, kaas oo nin shacab ah ku dilay Magaalada Buur-hakaba ee gobolka Baay.

Askariga dilka lagu xukumay ayaa lagu magacaabaa Cali Boorow Maxamed, wuxuuna falkan dilka ah u geystay marxuum lagu magacaabi jiray Qaasim Caddow Xaaji Keyrow 10-10-2016, isagoo laba carruur ah uu dhalayna uu dhaawacay.

Xukunka oo ka dhacay magaalada Baydhaba ayaa waxaa ku dhawaaqay Gaashaanle Aadan Abuukar Maxamed Guddoomiyaha Maxkamadda Ciidanka Qalabka sida qeybteeda 60-aad.

Xukunka maanta dhacay ayaa waxaa soo dhoweeyey ehellada Marxuumka iyo Maamulka Koonfur-galbeed, taas oo sii xoojineysa sharciga iyo kala dambeynta.

LEAVE A REPLY